Pas fjalimit të tij të Kajros, të ndjekur me vëmendje në mbarë botën, kancelarja Angela Merkel i ka premtuar presidentit amerikan Barack Obama mbështetje në gjetjen e një zgjidhjeje për paqe në Lindjen e Afërme.
Zgjidhja me dy shtete për Izraelin dhe për palestinezët është e domosdoshme, tha kancelarja pas një takimi me Obamën në Dresden. Vetë presidenti amerikan theksoi rolin e Republikës Federale si aleate.

Në Lindjen e Afërme duhet punuar për shmangien me çdo kusht të garës së armatimit bërthamor, tha Obama duke pasur parasysh gjendjen në Iran.

Presidenti amerikan mbërriti për një vizitë të shkurtër në Gjermani duke ardhur nga Kajroja. Në kryeqytetin egjiptian Obama u përpoq të zgjonte interesim për një fillim të ri të marrëdhënieve të Perëndimit me botën islame.

Pasdite Obama do të vizitojë përkujtimoren e kampit të përqendrimit Buchenwald. /D-Welle/