Kane, shfaqet filmi i fundit i Ledger

Ne Festivalin e Kanes eshte shfaqur filmi jokonkurrent "The Imaginarium of Doctor Parnassus" i Terry Gilliam me protagonist Heath Ledger, i cili nuk mundi ta perfundonte per shkak te vdekjes se parakohshme.

Skenat e munguara jane mbuluar nga Johnny Depp, Jude Law dhe Colin Farrell. Filmi permban nje subjekt moral ne te cilin nje personazh misterioz, gati nje magjistar u ofron pavdekshmerine te perzgjedhurve. Gjithcka fillon me te riun Tony Sheperd te interpretuar nga Ledger, endrra e te cilit eshte pjesemarrja ne trupen teatrale "Imaginarium".

Ai arrin te hyje ne boten magjike te magjistarit Dottor Parnassus ku mahnitet nga mrekullite por shtanget nga intrigat. Ne pjesen e fundit, regjisori Terry Gilliam thirri tre aktoret Depp, Law e Farrell, duke ndryshuar edhe skenarin, te cilin e pershtati ndryshe pas vdekjes se Ledger.

Kane, filmi austriak fiton Palmen e Arte

Edicioni i 62-te i Festivalit te filmit ne Kane ka mbyllur mbreme siparin. Palmen e Arte e fitoi filmi austriak i regjisorit Michael Haneke, “The white ribbon”.

Cmimin e aktorit me te mire e rrembeu Christoph Waltz per filmin “Inglorious Basterds”, ndersa aktorja me e mire u shpall Charlotte Gainsbourg me “Antichrist”.

Filipinasi Brillante Mendoza fitoi cmimin e regjisorit me te mire me filmin “Kinatay”. "Spring Fever" i kinezit Lou Ye u vleresua per skenarin me te mire, ndersa filmat "Fish tank” dhe “Thirst” fituan cmimin e jurise. Cmimi special i saj shkoi per Alain Resnais.