A ju ka ndodh ndonjëherë që kur ta harroni shallin, prindërit të ju përkujtojnë ta merrni, duke u përkujdesur që ju të mos sëmureni? Sot, këshilla mund të jetë: Mos e harroni telefonin.
Prodhuesi i barërave kundër gripit dhe ftohjes, ka lëshuar një program për telefonin e T-Mobile G1, gjithashtu i njohur edhe si Google Phone, i cili ju tregon se sa persona afër jush janë duke teshtirë dhe duke u shkundur nga viruset e dimrit.
"Zicam Cold & Flu Companion" do të thoshte për shembull, që 8 deri në 14 për qind të njerëzve me ZIP kodin e rrethinës tuaj kanë probleme respiratore, dhe paraqesin një nivel të moderuar të rrezikut. Për ti dhënë të dhënat e germofobisë dhe hipokondrisë, ky program tregon edhe simptomat e përbashkëta që kanë këta njërëz, si kollitja dhe pezmatimet në fyt.
Matrixx Initiatives Inc., kompania nga Arizona e cila e bën produktin e saj me brendin e Zicam, i merr të dhënat e sëmundjeve nga Surveillance Data Inc - e cila i merr të dhënat e veta nga hulumtimet e ofruesit e shërbimeve të shëndetit dhe farmacitë.
Përdoruesit gjithashtu mund të pyesin këtë aplikacion edhe për nivelet e rrezikut nga ZIP kodet tjera, që të mund të ndihen edhe më të mbrojtur. Atlanta është vendi ku një ndër pesë qytetet më të infektuara, sipas Zicam.
IPKO NET