Obama: Bota të ngrejë zërin kundër Koresë së Veriut

Presidenti i Shteteve të Bashkuara të Amerikës, Barack Obama, thotë se bota duhet të ngrejë zëri kundër Koresë së Veriut, ndërsa bashkësia ndërkombëtare reagoi me zemërim ndaj provës së sotme bërthamore të Phenianit dhe hedhjes së tre raketave me reze të shkurtër veprimi.
Duke folur nga Shtëpia e Bardhë, presidenti Obama tha se programi bërthamor dhe ai i raketave balistike të Koresë së Veriut përbën një kërcënim të madh për paqen dhe sigurinë në botë.

Ai e cilësoi provën e fundit bërthamore të Phenianit si veprim të papërgjegjshëm dhe shkelje të hapur të ligjit ndërkombëtar.

Presidenti amerikan tha se Pheniani i ka hapur kështu rrugën një trysnie më të madhe nga bashkësia ndërkombëtare. /VoA