Presidenti i Kosovës Fatmir Sejdiu dhe kryeministri Hashim Thaçi e kanë përshëndetur miratimin e Rezolutës për Kosovën nga Organizata e Konferencës Islamike.
Në një konferencë të përbashkët për media, presidenti dhe kryeministri e vlerësuan të rëndësishme se Rezoluta i referohet Deklaratës së pavarësisë të 17 shkurtit 2008 dhe Kushtetutës së Republikës së Kosovës.
Ata thanë se Kosova do të aplikojë për anëtarësim në Organizatën e Konferencës Islamike, menjëherë pasi të jetë pranuar në OKB.
Sejdiu e Thaçi, nuk përjashtuan mundësinë që kryetari i AKR-së Behxhet Paciolli, i cili ka paralajmëruar njohjen e Kosovës nga El-Salvadori me 2 qershor, të përfshihet në proces të lobimit.
Ata nuk e kanë mohuar t’i kenë dhënë leje kryetarit të partisë Aleanca Kosova e Re, për të përfaqësuar institucionet e Kosovës në ceremoninë e inaugurimit të presidentit të ri të El Salvadorit.
Kreu i AKR-së, Behxhet Pacolli i cili do të marrë pjesë në këtë ceremoni, ka paralajmëruar se El Salvadori do ta njohë pavarësinë e Kosovës, menjëherë pas inaugurimit të presidentit të ri. /RTK/KTV/Telegrafi/
Forum 